Երևանը պետք է նախաձեռնի Խաչատուրովի հետկանչը. ՌԴ ԱԳՆ

-ը գրում է.

Հայկական կողմը պետք է պաշտոնապես նախաձեռնի ՀԱՊԿ գլխավոր քարտուղարի պաշտոնից իր քաղաքացու հետկանչումը։ Հայտարարել է Ռուսաստանի Դաշնության արտաքին քաղաքական գերատեսչությունը՝ մեկնաբանելով Հայաստանի՝ ՀԱՊԿ գործընկեր պետություններին Գլխավոր քարտուղարի փոխարինման գործընթացը սկսելու ԱԳՆ մամուլի քարտուղար Տիգրան Բալայանի հայտարարությանը։ 

«Եթե Երևանում որոշել են, որ պարոն Խաչատուրովն այլևս հարմար չէ այդ պաշտոնի համար, ուրեմն ՀԱՊԿ-ը Հայաստանից այդ մասին գրավոր ծանուցում պետք է ստանա, և միայն դրանից հետո ընթացք կտրվի ոչ թե գլխավոր քարտուղարի փոխարինման, այլ նրա լիազորությունների դադարեցման գործընթացին»,-ասված է հայտարարության մեջ։

Նշենք, որ տվյալ հարցի շուրջ այսօր ՌԴ արտգործնախարար Սերգեյ Լավրովի ու ՀՀ ԱԳ նախարար Զոհրաբ Մնացականյանի հեռախոսազրույց են ունեցել։ 

Հիշեցնենք, որ  ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով։ Նա մեղադրվում է այլ անձանց հետ նախնական համաձայնությամբ Հայաստանի Հանրապետության սահմանադրական կարգը տապալելու մեջ։

 

650


Այս թեմայով Խոշոր ու ողբերգական ավտովթար Տավուշի մարզում Կոնգրեսի 48 անդամներ Թրամփին հորդորել են հանդիպել Փաշինյանին Ռոբերտ Քոչարյանին ազատ արձակելու որոշումն ապօրինի է. Հատուկ քննչական ծառայություն Ռոբերտ Քոչարյանը ազատ արձակվեց Անապատ, շամպայն, ուղղաթիռ. ինչպե՞ս է նշել իր ծննդյան օրը Մերի Մակարյանը (լուսանկարներ, տեսանյութ)